الخميس 12 ديسمبر 2019 الموافق 15 ربيع الثاني 1441
ads

«ربنا اللى بيحاسب مش الخلق».. فنانون يبعثون رسائل دعم لصابرين

الإثنين 18/نوفمبر/2019 - 11:56 ص
عالم المال
حنان حمدتو
طباعة
ads

 

احتلت الفنانة صابرين تريند البحث على موقع التدوينات المصغرة تويتر ، وذلك بعد قرارها خلع الحجاب بالامس ونشرها صور عبر انستجرام للنيو لوك الجديد اثارت بها الجدل  لدى متابعيها وجمهورها .


وتدخل الفنانون واصدقاء لفنانة صابرين لدعمها عبر حساباتهم  الشخصية للتأكيد على انها  اتخذت قرار شخصى  لا يحق لأحد ان يتدخل فيه ، وعلقت الفنانة نشوي مصطفي علي صورة الفنانة صابرين بدون حجاب، حيث قالت عبر صفحتها الشخصية على موقع فيس بوك "وبالمناسبة كل واحد حر أنا بحب صابرين، صابرين ممثلة معجونة موهبة غول تمثيل يتخاف منها ويتعمل لها حساب كممثلة نجمة من وهى طفلة".


وأضافت "صابرين أرقى بنى آدم ممكن تقابله، جدعة وبنت بلد وكريمة عمرى ماشفتها اتكلمت على حد غير بكل خير، أول مرة اشتغلت معاها كنا لسه فى أولى معهد تمثيل وهى كانت نجمة رغم أننا تقريبا من سن واحد، كانت عندها عربية مرسيدس واحنا كلنا كنا معندناش، فكانت بعد ما نخلص الأوردر توصلنا كلنا كل واحد بيته، أو توصلنا المعهد ومفيش مانع بردوا كانت بتعزمنا على ساندوتشات فى السكة، تانى مرة اشتغلت معاها كان مسلسل إخراج صديقنا وليد عبد العال، رغم السنين صابرين هى هى نفس التركيبة الطيبة الراقية، صابرين شالت التربون اللي كانت بتحطه على شعرها، وطبعا اللي واخدين التوكيل ابتدوا يقطعوا وينهشوا فيها وحيقطعوا فيها يومين تلاتة كمان، بس بعد كده حتطلع حاجة جديدة يفتوا فيها، يا بشر الله واحد والوسطاء يمتنعون، ياصابرين أنا بحبك".

وقال المذيع رامى رضوان : "مالكم أنتم، كل واحد عامل فيها محروق على الدين ودخل غلط وطوّل لسانه عليها.. ولا يعرف حاجة عن الدين! بيتمنظر بس!".

وتابع رامي: "والله حالنا هيتحسن كتير لو كل واحد خلاه في نفسه وفي حاله، مين تتحجب ومين تقلع الحجاب صح أو غلط، ربنا اللي هيحاسب الخلق مش إحنا اللي هنحاسب بعض، دعوا الخلق للخالق".

وكتبت الفنانة منى زكى، فى رسالتها إلى صابرين، قائلة:"  جميلة بحبك"، ودعمتها منة شلبى، قائلة:" احنا حلويين وقمرات "، وكتبت رانيا يوسف  مرددة "قمر يا حبيبتى ما شاء الله ".


وعبرت الفنانة زينة، عن حبها للفنانة صابرين قائلة:" دائما جميلة و مهما عملتى هفضل أحبك

وقالت الفنانة روجينا، ما شاء الله قمر يا صابرين"، وكتبت الفنانة هيدى كرم "بحبك"، وكتبت لها رشا مهدى:" منورة حبيبتى

وعلى النقيض  اعترض رواد مواقع السوشيال ميديا ودعمها اخرون  على قرارها، وعلقوا عبر حساباتهم ، فقالت .


منى محمد عبر تريند صابرين : "نفسي أعرف، هو إيه اللي حصل للناس بيتدخلوا ليه في شئون الناس، مين لبس ومين قلع، ومين خلف ومين نام ومين اتجوز ومين طلق ومين سافر، خليكم في حالكم.. صابرين، إنتِ جميلة لنفسك وأعملي اللي يعجبك".


وقالت عبير: "أنتِ حرة تلبسي الحجاب أو تقلعيه حاجة تخصك، إنتِ قمر من جوة وبرة، كفاية بقى تدخل في حياة الناس.. أيه ده؟ .


محمد الفاتح: "لم تكن محجبة أصلاً.. الحجاب أكبر من قطعة قماش على الرأس" وقال


مسعد: "كل دا عشان يجيلك شغل" .

الكلمات المفتاحية

ads
ads