الخميس 13 أغسطس 2020 الموافق 23 ذو الحجة 1441
ads
م/ نبيل عامر
م/ نبيل عامر

ماذا لم تشترك مصر فى اتفاق خط ميد ايست اللى تم التوقيع عليه الاسبوع الماضى؟

الخميس 09/يناير/2020 - 11:52 ص
ads
طباعة
ads

ومع انى كتبت الكلام ده من سنه ولكن حاعيده تانى عشان الاقلام العبيطه اللى بتهاجم مصروبتكتب كلام فاضى تسمم بيه عقول من ارادوا ان يعيشوا فى السباخ الفكرى اللى هما عايشين فيه بالفعل

وخلينا نرد على السؤال بسؤال ... ياترى لو مصر طلبت من امريكا تديها الاف 35 , امريكا حتوافق ؟ ..... الاجابه لا , لأن فى حسابات مهمه فى دماغ امريكا لتوازن القوى فى منطقة الشرق الاوسط فهى بتقرر تدى مين وماتديش مين ..
ايه الطياره المعادله لللأف 35 ؟
الاجابه : طائرة السوخوي 35 بتاعة روسيا , اللى واشنطن هددت بعقوبات على مصر لو اشترت الطياره دى اساسا واتنشر الخبر ده فى نوفمبر ... روح دور عليه عالنت

لما حبيت تسلح الميسترال , هل لو كنت طلبت طيارات اباتشى , امريكا كانت حتديك وهى اللى دوختك وساومتك بقطع الغيار قبل كده ؟
وليه انت اشتريت الطيارات الهليوكبتر الكا 52 من روسيا ؟
ببساطه .. مصر لها مصالح كبيره فى الوقت الحالى مع روسيا , أولها التسليح اللى انت محتاجه بشده نتيجة الموقف الراهن , ومحطة الضبعه , والمنطقه الروسيه للاستثمار فى منطقه قناة السويس , ومسانده دوليه فى مواقف محدده زى اللى بيحصل فى ليبيا وغيره
وروسيا كمان محتاجاك فى حاجات مهمه كتبت عنها بوست مفصل قبل كده

دلوقتى اسرائيل عندها تمار وليفياثان كحقول رئيسيه , اجمالى مخزونها على الحد الاعلى هو 826 بليون متر مكعب , وقبرص عندها افروديت وكاليبسو والحقل الجديد بتاع اكسون موبل , حقل افروديت فيه تقريبا (130 مليار متر مكعب) , وكاليبسو فيه من ( 170 الى 227 مليار متر مكعب ), حقل اكسون موبل الجديد فيه (142 مليار متر مكعب الى 227 مليار متر مكعب ) .. يعنى مخزون قبرص اصبح من 442 الى 584 بليون متر مكعب ... غاز قبرص واسرائيل كافى لهم ل100 سنه ( مش بالظبط يعنى ) , لأن استهلاكهم اقل من استهلاكك انت بكتير جدا نتيجة عدد السكان , هما الاتنين 7 مليون وانت 100 مليون
معنى الكلام ده انك انت اكبر مخزون فى حوض البحر الابيض منفردا , ولكنك الأكثر استهلاكا , وهما اقل مخزون منك منفردين , ولكن اقل استهلاك , وبالتالى قدرتهم على التصدير اكتر منك بكتير جدا ( لما حقولهم الخمسه تكون قادره على الانتاج فعلا بالقدره القصوى ) , انت اقصى ما يمكن تصدره بنائا على الانتاج الحالى ما قيمته بليون و400 الف دولار .. وهما يقدروا يصدروا بخمسه او سته مليار على حسب الانتاج

انت لما تكون عاوز تصدر الفائض اللى عندك ببساطه جدا حتصدر للاردن , او تسيله وتبعته على الدول اللى بتستورد غاز مسال , وشرحنا قبل كده بالتفصيل مين هى البلاد اللى فى اوربا اللى بتستورد غاز مسال وليه , ومين البلاد اللى بتستورد غاز فى حالته الغازيه من روسيا تحديدا وليه , وبالتالى مصر ما عندهاش اى مشكله تصدر وهى البلد الوحيد القادر على الانتاج حاليا , قبرص واسرائيل لسه , اول انتاج لاسرائيل حيكون اللى حيتصدر لمصر خلال كام اسبوع , وده برضه كتبت انه كان لازم الاتفاق ده يتم لأن اسرائيل لها عندك قضايا تحكيميه ب 8 مليار دولار , وشركات التنقيب الامريكيه هناك عشان تحصل على اموال مالهاش الا انها تصدر جزء من حصتها لمصر تسيلها فتتباع فيدخل لهم فلوس .. فعشان تحل انت قضاياك التحكيميه معاهم وده تم بالفعل , كان لازم مصر تقبل تسيل غاز الشريك الاجنبى فى حقول اسرائيل

وبالتالى ,,, كل اللى مصر حتسيله خلال 10 سنوات هو 64 مليار متر مكعب فقط .. من مخزون حجمه 826 مليار متر مكعب لدى اسرائيل ... الباقى ده اسرائيل حتصدره ازاى ؟
يبقى اسرائيل محتاجه تصدر الغاز هى وقبرص اما فى صوره سائله فتجيب ده لمحطات الاساله فى مصر تسيله ثم تصدره , ودى تكلفه عاليه ولها سوق مخصوص
واما انها تصدره فى حالته الغازيه ولا يمكن لهم ده الا بعمل خط يوصل لليونان ومنها لأوروبا اللى هو خط East Med اللى تم الاتفاق عليه والتوقيع الاسبوع اللى فات بعلم مصر طبعا ..

يبقى المستفيد الرئيسى من الخط ده هو اسرائيل وقبرص بالدرجة الاولى لأن عندهم مخزون كبير للتصدير نتيجة قلة استهلاكهم المحلى , وايطاليا وكتبنا قصتها بالتفصيل قبل كده مش محتاج اكتبها تانى , واليونان لأنها حتبقى بوابه اخرى مهمه للغاز لأوروبا نتيجه مرور الخط ده ( لو اتعمل ) وحتبقى جزء لا يتجزأ من أمن الطاقة في أوروبا بتدفق الغازمن خط TAP القائم وخط East Med المزمع انشاؤه وسيعارض مشاكل فنيه تتعلق بالاعماق كتبت عنها بالتفصيل قبل كده بالخرايط لأنك حتمد الخط فى اعماق تصل الى 2800 متر تحت سطح البحر فى حين ان اى خط فى العالم الان لا يمر على اكثر من عمق 1000 متر , وده معناه تكلفه اعلى ومخاطر اكبر , وهنا مشكله , ان تكلفة نقل الغاز لأوربا فى حالته الغازيه حتكون اعلى من تكلفة نقل غاز روسيا , ولكن اوربا سيكون لديها بددائل للتخلص من الهيمنه الروسيه عليها

اللى واقف ورى خط ميد ايست هيا امريكا والشركات الامريكيه العامله فى اسرائيل لأن ده معناه اموال ضخمه تتسيل بدل ما الغاز يفضل فى الارض , نفس الحكايه بالنسبه لأيطاليا , والمانيا وفرنسا لأن استهلاكهم عالى من الغاز الروسى , وامريكا عاوزه الخط ده يتم عشان تضرب روسيا فى اقتصادها بايجاد مصدر اخر للطاقه لاوربا فياخد من حصة روسيا فروسيا تتأثر اقتصاديا

يبقى خط ميد ايست ده لو اتعمل حيكون ضد مصلحة روسيا قلبا وقالبا

على الناحيه الاخرى الصراع بين اتينا وانقره لا يتوقف على مين حيكون بوابة غاز فعليا لأوروبا , وده برضه شرحناه بالتفصيل الممل .. واحنا كمصر لسنا طرف مباشر فى الصراع ده ولكنه مهم لنا جدا .. واوروبا واخده موقف بالفعل من تركيا بعد الانقلاب واللى عمله القرد فى جيشه وهددت اسرائيل انها لو صدرت غازها عن طريق تركيا مش حتشتريه لأن اوربا مش عاوزه هيمنه تركيه عليها

السؤال لحضرتك بقى
لو انت فى مكان متخذ القرار فى مصر وامامك المعطيات اعلاه , هل تشترى عداء روسيا فى الوقت الحالى بأن تكون جزء من الاتفاق ده وهو ضد مصالح روسيا المباشره مع ان الخط مشكوك فى ان يتم فنيا وليس لديك فائض تصديرى عاوز تحوله لفلوس وعندك مصانع اساله تسمح لك تصدر زى ما انت عاوز وهو ما لا يوجد لدى اسرائيل وقبرص ... ولا تستنى تشوف ايه اللى حيحصل وتفضل علاقتك بروسيا خارج الصدام ولو فى يوم لقيت حقل جديد مخزونه كبير زى ظهر مثلا خلى قدرتك التصديريه تزيد ومختاج تصدر (لأنك ممكن تستفيد من الغاز بطرق اخرى ) فالوصله بينك وبين اسرائيل اصلا موجوده بالفعل , فتقدر تنضم لاحقا للاتفاقيه دى ؟

عشان كده مصر اختارت طوعا ان لا تكون جزء من الاتفاق ده
قرار مصر من دماغها نابع من قوة البنيه التحتيه فيها وامكانياتها ومصالحها , مش العبط والافترا اللى كاتبينه الناس اللى بترضع برسيم وبتاكل سباخ
ads
ads
ads
ads
ads
ads
ads